+12 °С
Ямғыр
Бөтә яңылыҡтар
Төрлөһөнән
30 Август 2019, 14:23
Бөгөнгөләй хәтеремдә Тәү мәктәпкә барыуым
Сәриә ҠАҺАРМАНОВА, Белорет ҡалаһының Яныбай Хамматов исемендәге башҡорт гимназияһының башҡорт теле һәм әҙәбиәте уҡытыусыһы, республика Башлығының быйылғы премияһы лауреаты: – Беренсе тапҡыр мәктәпкә барыу мәлен мин дә, буласаҡ синыфташтарым да түҙемһеҙлек менән көтөп алғанбыҙҙыр.
Ни өсөн тигәндә, беҙ ауылыбыҙ Әбделмәмбәттә (Бөрйән районы) беренселәрҙән булып башҡортса уҡый башланыҡ. Беҙгә тиклем барыһы ла урыҫса уҡыны. Атай-әсәйҙәребеҙ туған телдә уҡытыу өсөн күп көс һалһа ла, беҙ байтаҡ ҡына һүҙҙәрҙе башҡортса белмәгәнлектән, әҙерәк ҡаушап ҡалғандай булдыҡ.
Шөкөр, биш ҡыҙ, биш малай яҡшы ғына уҡып алып киттек. Уҡытыусыбыҙ ҙа кем ине бит әле: яңы ғына педагогия училищеһын тамамлап килгән Белорет районының Һаралы ауылынан Мәрйәм Фәйзрахман ҡыҙы Ҡаһарманова. Әйткәндәй, заманында киң билдәлелек яулаған, күптәр халыҡ йыры тип ҡабул иткән «Мәрйәмем минең» йыры тап уға бағышланасағын (авторы – күрше ауыл егете Сабитулла Хөснөтдинов) беҙ белмәй инек.
Август аҙағында уҡытыусыбыҙҙың беренсе сентябргә ниндәй күлдәк кейеп килере хаҡында бәхәсләштек. Кемебеҙ дөрөҫ әйткәндер, әммә Мәрйәм апайҙың йәшел күлдәге әле лә күҙ алдында. Шуҡ та, шаян да, тырыш та булдыҡ. Оҙон тәнәфестә уйнаған уйындар бөгөнгөләй хәтеремдә, шул көндө өйрәнгән йырҙар һаман да ҡолаҡта сыңлап тора.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж