+12 °С
Ямғыр
Бөтә яңылыҡтар
Төрлөһөнән
30 Август 2019, 14:34
Бөгөнгөләй хәтеремдә Тәү мәктәпкә барыуым
Илнур СӘЛИХОВ, Өфөләге Рәми Ғарипов исемендәге 1-се республика башҡорт интернат-гимназияһы директоры: – Һәр кем беренсе синыфҡа барған көнөн яҡшы хәтерләйҙер. Бер ҡулыма сәскә гөлләмәһе тотоп, икенсе ҡулым менән әсәйемде етәкләп мәктәпкә барыуым, тулҡынланып күмәк кеше алдында шиғыр һөйләүем әлегеләй күҙ алдымда.
Тәүге тапҡыр барғанда уҡ Мораҡ башҡорт гимназияһы миңә үҙе бер оло һарай кеүек күренде. Уны асып инер өсөн белем асҡысына эйә булырға кәрәклегенә төшөндөм. Беренсе синыфҡа барғанда уҡ ҙур кеше булырға тигән хыялым бар ине. Ошо ниәтемде тормошҡа ашырырға ярҙам иткән, 22 уҡыусыны үҙ балаларылай ҡурсалаған, төплө белем биреүсе тәүге уҡытыусым Сәриә Ғәбит ҡыҙы Мансуроваға һәм барлыҡ уҡытыусыларыма ҙур рәхмәтлемен. Сөнки улар бала күңеленә белем орлоҡтары ғына сәсмәне, ә уның йөрәгенә илткән юлдарҙы ла таба белде. Тәүге синыф етәксем маяҡ кеүек алға юл күрһәтеп торҙо. Әлеге ваҡытта, тормошомдоң иң мөһим баҫҡысына баҫҡан саҡта, уның һәр һүҙе миңә изге аманат.
1 сентябрь – уҡыусылар, уҡытыусылар һәм ата-әсәләрҙең иң көтөп алған байрамдарының береһе. Мәктәпкә тәү аяҡ баҫҡандар һәм сығарылыш синыф уҡыусылары өсөн иҫтәлекле көн. Бер ыңғайҙан барлыҡ уҡыусыларҙы, хеҙмәттәштәрҙе, ата-әсәләрҙе Белем байрамы менән ихлас күңелдән ҡотлайым. Уҡыусылар! Тырышып уҡығыҙ, тәртипле булығыҙ, төрлө сараларҙа әүҙем ҡатнашығыҙ, спорт менән шөғөлләнегеҙ, түңәрәктәргә йөрөгөҙ, төплө белем алып, үҙегеҙ теләгән һөнәрҙе һайлап, илебеҙгә кәрәкле кешеләр булып үҫегеҙ. Белем серҙәрен асҡан остаздарығыҙға ла рәхмәт һүҙҙәрен әйтергә онотмағыҙ.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж