+16 °С
Болотло
Бөтә яңылыҡтар
Төрлөһөнән
30 Август 2019, 15:02
Бөгөнгөләй хәтеремдә Тәү мәктәпкә барыуым
Миңнира БИКӘНӘСОВА, Ауырғазы районы Талбазы башҡорт гимназияһының химия-биология уҡытыусыһы: – Тәүге тапҡыр мәктәпкә уҡырға барыуым бер яҡты ваҡиға булып күңелдә һаҡлана. 46 йыл үтеп киткән... Әсәйем мине етәкләп алып барҙы. Ҡулымда – баҡсабыҙҙа үҫкән сәскәләрҙән гөлләмә.
Кистән ныҡ ҡына ямғыр яуып уҙғанлыҡтан, аяғыма резина итек кейеп барырға тура килде. Уны юлда шишмәгә төшөп йыуып алғаным әле лә хәтеремдә.
Мәктәп ҙур бер ҡаласыҡ кеүек күренде. Беҙҙе ике ҡатлы яңы ғына белем усағы ҡаршы алды, эргәлә тағы ла бер нисә ағас биналар тора (былары – иҫке мәктәп). Уҡытыусылар, уҡыусыларҙың иҫәбе-һаны юҡ кеүек. Мәктәп алдына «П» хәрефе яһап, линейкаға теҙелдек. Һуңынан беренсе уҡытыусым Ләлә Мансур ҡыҙы Вәлиева беҙҙе, 30 уҡыусыны, «А» синыфына алып инде.
Уҡыуҙа бер-беребеҙ менән ярышып, сәмләнеп белем алдыҡ. Синыфыбыҙҙа яҡшы уҡығандар күп булды. Мәктәп тормошонда ла әүҙем ҡатнаштым. Төрлө саралар үткәрелеп, түңәрәктәр эшләй ине.
Ғафури районының Жәлил Кейекбаев исемен йөрөткән данлыҡлы Сәйетбаба мәктәбендә уҡыным бит. Беҙгә яҙыусылар, арҙаҡлы шәхестәр йыш килә торғайны. Яратҡан шағирыбыҙ Рәми Ғарипов менән осрашыу бигерәк тә ныҡ иҫтә ҡалған. Беҙ уҡыған осорҙа мәктәбебеҙҙә 1 мең 300 уҡыусы ине. Уҡытыусылар тәрән белем бирҙе, һәр яҡтан өлгө булды. Шуғалырмы, үҙем дә уҡытыусы һөнәрен һайланым.
Һәр бер бала өсөн мәктәп йылдары – иң мөһиме, киләсәк яҙмышын билдәләр ара ул. Уның ҡәҙерен аңлап, тырышып белем алырға кәрәк.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж