-4 °С
Болотло
Бөтә яңылыҡтар
Төрлөһөнән
20 Декабрь 2019, 18:15
Баш ҡалабыҙҙа төп Шыршы байрамы үтте
– Иң әүҙем, иң алдынғы 12 уҡыусы алып килдек. Төп Шыршы байрамына эләгеүҙәренә балалар бик шатланды. Беҙҙе матур итеп ҡаршы алдылар, «Ҡыш бабайҙың тылсымлы циркы» тигән тамаша ла бик оҡшаны, – ти Баймаҡ районынан уҡыусыларҙы алып килеүсе етәксе Рәсимә Килдейәр ҡыҙы Моратова.Бөгөн «Башҡортостан» дәүләт концерт залында республика Башлығы Шыршы байрамы үтте.
Был матур сараға республикабыҙ район-ҡалаларынан уҡыу алдынғылары, төрлө конкурс-фестиваль еңеүселәре, һөнәри бурысын үтәгәндә һәләк булған хәрбиҙәр һәм эске эштәр органдары хеҙмәткәрҙәре балалары, аҙ тәьмин ителгән ғаиләләрҙә тәрбиәләнеүселәр, һаулығы буйынса мөмкинлеге сикләнгән малайҙар һәм ҡыҙҙар килгәйне. Барлығы 780 бала матур байрамды күреү бәхетенә иреште.
Фойела төрлө әкиәт геройҙары, Ҡыш бабай, Ҡарһылыу, цирк артистары ҡатнашлығында күңелле уйындар, оҫталыҡ майҙансыҡтары ойошторолдо. Ә инде матур тамаша башланыр алдынан барыһын да республика Башлығы Радий Хәбиров исеменән Башҡортостан Республикаһы Хөкүмәте Премьер-министры урынбаҫары Фәнүр Йәғәфәров ҡотлап, иң матур теләктәрен еткерҙе.
– Ҡәҙерле дуҫтар! Һеҙҙе яҡынлашып килгән Яңы 2020 йыл менән ихлас ҡотлайым. Башҡортостан һеҙҙең уңыштарығыҙға шатлана, еңеүҙәрегеҙгә һоҡлана. Киләсәктә лә беҙгә өлгө булып, яңынан-яңы үрҙәргә ынтылып, уңыштарға ирешеп йәшәргә яҙһын, – тине ул сығышында.
«Ҡыш бабайҙың тылсымлы циркы» тигән Яңы йыл әкиәте лә бик мажаралы ине. Сысҡандар ғаиләһенә арналған тамашаны барыһы ла яратып ҡарағандыр, тип ышанғы килә.
Байрам һуңында һәр бала Яңы йыл бүләктәре алып та ҡыуанды.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж