-15 °С
Болотло
TelegramТестарVKOK
Бөтә яңылыҡтар
Төрлөһөнән
8 Ғинуар 2021, 02:10

Аҡмуллаға арнаныҡ

«Тамъян» моделле китапханаһында күренекле башҡорт мәғрифәтсеһе, шағир Мифтахетдин Аҡмулланың ижады һәм тормош юлына арналған «Юғалмаһын ата-бабам теле!» тигән рухиәт сәғәте уҙҙы. Унда Шығай урта мәктәбенең V синыф уҡыусылары ҡатнашты.

Ҡыҙҙар һәм малайҙар бөйөк мәғрифәтсенең «Башҡорттарым, уҡыу кәрәк, уҡыу кәрәк!» тигән шиғырын күмәкләп уҡып ишеттерҙе, күп кенә баш­ҡорт шағирҙарының ижады менән дә танышты. Бергәләп йомаҡтар сис­тек, тел тураһында мәҡәлдәрҙе өйрәндек.

Ысынлап та, телебеҙҙе иң башта яратырға, ҡәҙерләргә өйрәнер кәрәк. Бының өсөн милләтебеҙгә, илебеҙгә ҡарата ғорурлыҡ тойғоларын кескәй саҡтан уҡ тәрбиәләү зарур.

Ольга ҒӘЛИУЛЛИНА,

әйҙәүсе китапханасы.

Белорет районы,

Шығай ауылы.
Читайте нас в