+12 °С
Ямғыр
Бөтә яңылыҡтар
Төрлөһөнән
8 Ғинуар 2021, 02:16
Уның рухы мәңгелек
Район үҙәк китапханаһы хеҙмәткәрҙәре «Аҡмулла рухы мәңгелек» тип исемләнгән фәнни-ғәмәли конференция үткәрҙе. Ул онлайн рәүештә ойошторолдо. Мәғрифәтсенең тормош юлы һәм ижады менән уҡыу залы методисы Динара Радмир ҡыҙы Мифтахова таныштырҙы. Әҙәбиәттә уның образы нисек һүрәтләнеүе хаҡында ла һүҙ алып барылды.
Ысынлап та, Аҡмулланың ижады киләсәк быуынға фәһемле. Сәйәхәт итергә, төрлө илдәр гиҙергә яратыуы, уның сит яҡтарҙағы тормошо хаҡында Красная Башкирия ҡасабаһы китапханасыһы Гөлшат Иршат ҡыҙы Ишбулатова бик ҡыҙыҡлы мәғлүмәттәр һөйләне. Мәғрифәтсе ижадында Тыуған илгә һөйөү, ауырлыҡтарҙы еңә белеү, саф күңеллелек һыҙаттары, әҙәплелек сифаттары ярылып ята. Район үҙәк китапханаһының библиографы Дилә Шайморат ҡыҙы Әбүшахманова Аҡмулла шәхесенә бәйле иҫтәлекле урындарҙы барланы. Уның шиғырҙарын тасуири һәм аһәңле итеп Красная Башкирия ҡасабаһы китапханасыһы Гүзәл Камил ҡыҙы Алтынбаева уҡып ишеттерҙе. Дәүләт ауылы китапханасыһы Дилә Надир ҡыҙы Ишбулдина мәғрифәтсенең әҙәбиәттә сағылышын төплө өйрәнгән. Ә мин уның фәлсәфәүи ижады менән таныштырҙым. Конференцияны әҙерләү һәм үткәреү өсөн Дилә Әбүшахманова, Лилиә Дәүләткирәева, Динара Мифтахова яуаплы булды.
Ғөмүмән, Аҡмулланың донъяға ҡарашында әхлаҡ, эстетик, этик тәрбиә мәсьәләләре ҙур урын алып тора. Мәғрифәтсе булараҡ, ул халҡының киләсәген туранан-тура шуға бәйләп аңлата. Сабыр холоҡло булыу, әҙәплелек, аҡыллылыҡ унда иман төшөнсәһе менән бергә ҡуйып ҡарала.
Китап һөйөүсе дуҫтарыбыҙҙың Аҡмулла ижадын артабан да өйрәнеүҙәрен теләйек.
Римма БАЙМЫРҘИНА,
башҡорт теле һәм әҙәбиәте уҡытыусыһы.
Әбйәлил районы,
Асҡарҙағы Таһир Күсимов
исемендәге гимназия.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж