+12 °С
Ямғыр
Бөтә яңылыҡтар
Төрлөһөнән
29 Ғинуар 2021, 11:50
Бүләк алып һөйөндөк
БДУ-ның Стәрлетамаҡ филиалының башҡорт һәм төрки филологияһы бүлеге «Шоңҡар» журналы менән берлектә республика студенттары, мәктәп уҡыусылары араһында «Йәш журналист» исемле конкурс иғлан иткәйне. Был бәйгелә беҙҙең гимназия вәкилдәре лә ҡатнашты.
Ярышҡа йомғаҡ 15 ғинуарҙа үткәрелгән онлайн-конференцияла яһалды. Унда конкурсты ойоштороусыларҙың, жюри ағзаларының файҙалы кәңәштәрен тыңланыҡ, төрлө ҡала, райондарҙан ҡатнашыусыларҙың фекерен, теләктәрен дә ишеттек.
Был конкурста «Беҙҙең өсөн өлгө ғаилә» исемле очергым менән X – XI синыфтар араһында беренсе урын алдым (етәксем – Ә. Рәжәпова). Мәҡәләләр яҙыу буйынса үҙенең өләсәһе – тыл батыры тураһындағы эше менән XI «А» синыфынан Наҙгөл Хәлитова (Р. Солтанғолова) үҙ номинацияһында еңеүсе булды.
20 ғинуарҙа гимназиябыҙҙың тамаша залында БДУ-ның Стәрлетамаҡтағы филиалынан доцент, филология фәндәре кандидаты Рәйсә Хәким ҡыҙы Илишева һәм доцент, филология фәндәре кандидаты Миләүшә Сынбулат ҡыҙы Арыҫлановалар X – XI синыф уҡыусылары менән осрашыу үткәрҙе. Унда бәйгелә еңеүселәргә – грамоталар, ә етәкселәренә Рәхмәт хаттары тапшырылды. Шулай уҡ уҡыу йорто менән тығыҙ бәйләнештә булған һәм әүҙемлек күрһәткән гимназия уҡытыусылары ла айырым билдәләнде.
Юғары уҡыу йорто уҡытыусылары беҙҙең һорауҙарға яуап бирҙе, уҡыу йорто, үҙҙәрендәге яңылыҡтар тураһында һөйләне. Көндәр һыуыҡ, буранлы булыуға ҡарамаҫтан, беҙҙең менән осрашыуға килгәндәре өсөн уларға рәхмәтебеҙҙе белдерәбеҙ.
Эльвина ӘБСӘЛӘМОВА,
XI «Б» синыфы уҡыусыһы.
Күмертау ҡалаһы,
3-сө республика башҡорт интернат-гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж