+12 °С
Ямғыр
Бөтә яңылыҡтар
Төрлөһөнән
12 Февраль 2021, 19:15
"Ҡышҡы спорт уйындары" аҙналығы
Кескәйҙәрҙе сәләмәт йәшәү рәүешенә йәлеп итеү, сыныҡтырыу йәһәтенән беҙҙең «Ләйсән» балалар баҡсаһында ла төрлө саралар ойошторола. Яңыраҡ «Йәйғор» мәктәпкәсә әҙерлек башҡорт төркөмөндә «Ҡышҡы спорт уйындары» аҙналығы үтте. Уның барышында балалар Һаулыҡ һәм әүҙем оҙон ғүмерлелек йылына арнап һүрәттәр төшөрҙө, пластилиндан төрлө һындар эшләне, викторина һорауҙарына яуап бирҙе, спорт уйындарында ҡатнашты.
Айҙар Ҡәйүмов:
– Мин «Салауат» физкультура-һауыҡтырыу үҙәгендә самбо менән шөғөлләнә башланым. Өләсәйем дә спортты ярата. Уның менән бассейнға йөрөйөм, саңғыла шыуабыҙ.
Әлфинә Аҙнабаева:
– Атайым менән көн дә зарядка яһайбыҙ. Ул мине кикбоксинг серҙәренә лә өйрәтә. Апайым менән саңғыла йөрөйбөҙ, тауҙа шыуабыҙ.
Эмиль Байтурин:
– Өләсәйем менән «Дуҫлыҡ» паркында тимераяҡта йөрөргә яратабыҙ. Бәләкәй генә булһа ла, Арыҫлан ҡустым да беҙҙән ҡалышмай.
Самира Ҡунаҡҡужина:
– Ә мин сәнғәт мәктәбендә бейеү түңәрәгендә шөғөлләнәм. Был шөғөл кәүҙәне матур тоторға, һығылмалы буйлы булып үҫергә ярҙам итә.
Данияр Шәрипов:
– Мин саф һауала саңғыла йөрөйөм. Ял көндәрен көтөп алам, сөнки атайым, әсәйем менән бергә тау саңғыһында шыуырға барабыҙ. Бассейнда йөҙөргә лә өлгөрәм. Бейеү, йыр түңәрәктәрендә лә шөғөлләнәм.
Реваль Ваһапов:
– Ағайым Реналь менән ял көндәрендә паркка юлланабыҙ. Дуҫтарым менән бергә боҙҙа тимераяҡта шыуыу һаулыҡты нығыта һәм күңелде күтәрә.
Эльвина Садиҡова:
– Ә беҙ ғаиләбеҙ менән тауҙан тюбингтарҙа шыуырға яратабыҙ. Тағы ла бергәләп шахмат уйнайбыҙ. Әсәйем, ағайым һәм апайым турнирҙарҙа ҡатнашып тора.
Ильяс Ғөбәйҙуллин:
– Ынйы һылыуым менән саф һауала рәхәтләнеп уйнайбыҙ һәм бейеү, йыр түңәрәктәрендә шөғөлләнәм.
Мораҙым Арыҫланбаев:
– Динислам ағайым менән башҡорт халҡының милли көрәше серҙәрен өйрәнә башланыҡ. Ғаилә менән кистәрен саф һауала саңғыла йөрөп ҡайтабыҙ.
Аяз Мусаҡаев һәм Алмас Аллабирҙин:
– Ә беҙ ҡыш көнө хоккей уйнарға яратабыҙ. «Салауат Юлаев» командаһының көйәрмәнебеҙ. Ҡурҡаҡтар хоккей уйнамай!
Сафия Кинйәғолова:
– Мин баҡсанан ҡайтҡас, атай-әсәйем менән шашка уйнайым. Был уйын хәтерҙе үҫтерә, иғтибарлы һәм тиҙ фекер йөрөтә белергә өйрәтә. Ҡайһы ваҡыт отолоп та ҡуям. Еңелә белергә лә кәрәк, – ти яҡындарым.
Әлиә апайым – буласаҡ табип. Ул да: «Сәләмәт булыу өсөн иртүк торғас та зарядка яһарға, күберәк спорт менән шөғөлләнергә кәрәк», – тип өйрәтә.
Гөлсинә Аҡъюлова, логопед:
– Күп балалар ҡыш миҙгелен ярата. Сөнки был ваҡытта рәхәтләнеп сана, саңғы шыуаһың. Бик күңелле мәл! Ошо ваҡытта үткәрелгән аҙналығыбыҙ ҙа бик матур уҙҙы. Төркөмдәге балалар спорт, сәләмәтлек тураһында күпте белеп ҡалды.
Гөлназ НАЗАРОВА,
Ейәнсура районы,
Иҫәнғол ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж