-14 °С
Болотло
TelegramТестарVKOK
Бөтә яңылыҡтар
Төрлөһөнән
5 Март 2021, 13:57

Ҡарҙан һындар яһаныҡ

Дәрестә дәфтәргә февралде шаҡай тип яҙҙыҡ. Был ай башҡаларына ҡарағанда һыуыҡ булғаны өсөн шундай атама алған икән.

Ләкин ҡайһы бер көндәре йылы була, хатта ямғыр ҙа яуа, ҡар ҙа епшеккә әйләнә.

Беҙ, интернатта йәшәүсе VII«А», VII«В» синыфтарының ҡыҙҙары, малайҙары, ҡар­ҙан төрлө һындар яһаныҡ, уларҙы төрлө төҫтәргә буяныҡ. Терпе, гөбөргәйел, Ҡыш бабайыбыҙ бөтә уҡыу­сыларға, ашнаҡсыларыбыҙға ла оҡшаны. Беҙ үҙебеҙ ҙә уларға ҡарап һоҡландыҡ, эргәләрендә уйнап та алдыҡ. Саф һауала күңелдәребеҙ ҙә күтәрелде. Дәрестәрҙән һуң кәрәҙле телефондарҙа, ноутбуктарҙа ултырғансы, әлбиттә, саф һауала хәрәкәтле уйындар уйнау күпкә ҡыҙыҡлыраҡ.

Ҡарҙан эшләнгән һындарыбыҙ гимназиябыҙ ихатаһын матурлап ултыра.

Әлфинур ШӘҒӘРОВА,

«Рухи мираҫ» түңәрәге ағзаһы,

Күмертау ҡалаһы, 3-сө республика башҡорт интернат-гимназияһы.
Читайте нас в