Ғәҙәти булмаған открытканы йылҡысы Һиҙиәтуллиндар әҙерләгән. Байрам флешмобында меңгә яҡын ат ҡатнаша. Команда буйынса хайуандар алдан әҙерләнгән траншеяларға йүгерә. Яҙыуҙың бейеклеге – 100 метрға яҡын. Фермер хужалығы етәксеһе Хәсән Һиҙиәтуллин әйтеүенсә, бындай сараларҙа уның аттары беренсе тапҡыр ғына ҡатнашмай. Шундай уҡ байрам ҡотлауы Ватанды һаҡлаусылар көнөндә лә әҙерләнгән булған.