+12 °С
Облачно
Төрлөһөнән
7 Июня 2021, 07:13
Бейеүсе малайға – депутаттан кейем
Мәләүез ҡалаһында йәшәгән I төркөм инвалиды Ләйсән Фәйзуллина Дәүләт Думаһы депутаты Зариф Байғусҡаровҡа үтенес менән мөрәжәғәт иткән.
Уның 1-се класты тамамлаған улы Самир “Байыҡ” телепроектында ҡатнашырға бик теләй, тик ғаиләнең бейеү костюмы алырға финанс мөмкинлеге етмәй икән.
5 июндә Мәләүез районында үткән Һабантуй байрамында депутат сәнғәт һөйгән малайға бик матур бейеү костюмы бүләк итеп шатландырҙы. Әсәһе Зариф Закир улына ярҙамы, иғтибары өсөн рәхмәт белдерҙе.
”Мин дә ҡыҙымдың репетицияларын, тәүге еңеүҙәрен күҙәтеп барҙым. Беҙ балаларыбыҙҙың башланғыстарын хупларға һәм төрлө яҡлап ярҙам итергә тейешбеҙ. Минең тәжрибәмде башҡалар ҙа ҡабатлар, шундай хәлдә ҡалған балаларға матди ярҙам күрһәтер тип ышанам. Балалар – беҙҙең киләсәгебеҙ! - тине депутат. – Уңыштар һиңә, Самир! “Байыҡ” проектындағы сығышыңды ҡарарға мотлаҡ киләсәкмен!” - тине Зариф Байғусҡаров.
Фото: BashNews.
Автор: Дина Арсланова
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
