+13 °С
Дождь
Төрлөһөнән
16 Июня 2021, 07:25
Бына һиңә “бүләк”!
Баҡалы районының Иҫке Маты ауылында Зәйнетдиновтарҙың хужалығындағы һыйыр дүрт быҙау килтергән – ике “малай” һәм ике “ҡыҙыҡай”.
Бестужев тоҡомло һыйырҙың ҡушаматы ла бик матур бит әле – Миләш. Малҡай 9-сы тапҡыр быҙаулаған, шуларҙың икеһендә икешәр игеҙәк “алып ҡайтҡан” булған. Ғүмер буйы ауыл хужалығында оҙаҡ йылдар зоотехник булып эшләгән Эдуард Зәйнетдинов ағай әйтеүенсә, һыйыр малында бер юлы дүртте быҙаулау – һирәк һәм уникаль күренеш. Хужалар һөтлөбикәнең бындай бүләгенә бигерәк тә шат. Әлбиттә, безәүкәйҙәрҙе үҫтерешергә инәләренә ярҙам итәләр, уларҙы биҙрәнән һөт эсергә өйрәтәләр. Хәҙер малҡайҙар нығайған инде, шаярып-һикереп йөрөйҙәр.
Сығанаҡ: “Кызыл таң” гәзите, авторы - Иҙрис Сәйетғәлиев,фотоһы ла уныҡы.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
