Үҙ һүҙеңде туған телеңдә әйт!

Сәхнә оҫталығы һәм режиссёрлыҡ эше нигеҙҙәре буйынса белем биреү билдәле кинорежиссёр Булат Йосоповтың авторлыҡ методикаһына таянып уҡытыла. Башҡортостандан, Сыуашстандан, Удмурт Республикаһынан һәм Ямал-Ненец автономиялы округынан утыҙҙан артыҡ ғариза килгән.

-Проект халыҡ араһында киң танылыу яулай, шулай уҡ уның географияһы ла киңәйеүе ҡыуандыра. Быйыл проект Мәҙәни инициативаларының президент фонды грантына лайыҡ булып, Урал һәм Волга буйы федераль округтарын биләй, - тип белдерҙе проект продюсеры Леонид Филинов.

Әлеге ваҡытта икенсе ағымға ғаризалар ҡабул ителә, уҡытыу февралдең икенсе декадаһында башлана. Проекттың сайтында ғариза тултыра һәм проект менән тулыраҡ таныша алаһығыҙ. 

"Ер һүҙе/онлайн" кинопроектының ҡатнашыусылары - төрлө һөнәр эйәләре. Йәштәре, ҡыҙыҡһыныуҙары ла төрлөсә. Әммә уларҙы әсә телендә шәхси фильм төшөрөү, туған телде һаҡлау һәм үҫтереү проблемаларын йәмғиәткә еткереү, тигән бер теләк берләштерә. 

Фото:https://www.bashinform.ru/news/