Тәүге бишәү исемлегендә!

2021 йылдың йомғаҡтары буйынса, «Башҡортостан Республикаһы» нәшриәт йорто сайтына айына уртаса 620 000 кеше инеп, 2 934 000 яңылыҡ ҡараған. Һөҙөмтәлә, ул популяр мәғлүмәт ресурстарының тәүге бишәү исемлегенә ингән.

Башҡортостанда «Башинформ» мәғлүмәт агентлығы сайтын иң күп кеше ҡарай. Ул  5 680 000 ҡарау йыйған. Икенсе урында 3 747 000 ҡарау менән «ufa.kp.ru» сайты һанала. Өсөнсө урында иһә - «Ижтимағи» электрон гәзит сайты. Уны1 477 000 кеше ҡараған.

-Бөгөн халыҡ яңылыҡтарҙы иң элек интернет ресурстар аша ала. Шуның өсөн дә беҙ конкуренттарҙан артта ҡалмаҫ өсөн  һөҙөмтәле эшләргә тырышабыҙ, киләсәктә лә алдынғылар рәтенән төшмәҫкә тейешбеҙ, - ти Башҡортостан Республикаһының Матбуғат һәм киң мәғлүмәт саралары агентлығы етәксеһе урынбаҫары Зөһрә Сәйетҡолова.

Бөгөн «Башҡортостан Республикаһы» нәшриәт йортоноң сайттарын яҡынса алты миллион кеше ҡарай, аудиторияһы – бер миллиондан ашыу. Ә инде социаль селтәрҙәр төркөмөнә яҙылыусылар һаны миллион ярымдан ашҡан.

Фото:https://yandex.ru/images/search?text