+28 °С
Болотло
Төрлөһөнән
3 Ноябрь 2022, 08:55
Бергә-бергә күңелле!
Әлшәй районынан ағалы-һеңлеле Дилә, Рамаҙан Садиҡовтар менән Рушан, Рушания Сөләймәновтарҙың каникулы күңелле үтә. Саф һауала рәхәтләнеп уйнайҙар, әҙ генә яуған ҡарҙан Ҡар бабай әүәләп тә өлгөрҙөләр. Күмәк булғас, күңелле шул үҙҙәренә. Гөр киләләр.
Бергә-бергә күңелле!
Дилә менән Рамаҙан Раевкала йәшәй, көҙгө каникул башланыу менән Сурай ауылында йәшәгән яҡындары янына ашҡынып килделәр. Туғандар бер-береһе өсөн өҙөлөп тора, һағынып осрашалар. Рушания менән Дилә быйыл беренсе синыфҡа уҡырға барҙы, Рамаҙан - алтынсыла, Рушан - туғыҙынсы синыфта. Үҙ-ара ныҡ татыу, дуҫ булған балалар өлкәндәргә ярҙам итешеп тә өлгөрә, йырлап-бейеп, күңел асып та алалар.
Каникулдарын бергә-бергә күңелле һәм файҙалы үткәргән был ҡыҙҙар һәм малайҙарға: "Афарин!" - тиергә генә ҡала.
Юлиә КИРӘЕВА.
Бергә-бергә күңелле!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
