+28 °С
Болотло
Төрлөһөнән
16 Декабрь 2022, 10:00
Бәхет өләшә "Бәхет"
Өфө балалар филармонияһында һәләтеңде үҫтереү өсөн бөтә мөмкинлектәр бар. Ниндәй генә түңәрәктәр юҡ унда! Бейеү, йыр, сәхнә оҫталығы менән шөғөлләнгең килһә – рәхим ит. Ошондай йүнәлештәрҙең береһе – йырсы Гөлсинә Мөхәмәҙиева етәкләгән “Бәхет” вокал студияһы.
- Беҙҙә 31 бала шөғөлләнә. Аҙнаһына өс тапҡыр осрашабыҙ, йырлау, сәхнәлә үҙеңде тотоу нескәлектәрен өйрәнәбеҙ, - ти Гөлсинә Әлмөхәмәт ҡыҙы. – Балалар, йәшенә ҡарап, бер нисә төркөмгә бүленә.
Студияның асылыуына йыл ярым ғына әле. Шулай булыуға ҡарамаҫтан, ҙур уңыштар бар. Ҡыҙҙар һәм малайҙар ҡала конкурстарында ҡатнашып, призлы урындар яулап тора. Иң мөһиме – мөмкинлектәре сикләнгән балалар ҙа шөғөлләнә бында.
Ата-әсә, яҡындарына һөҙөмтәләрҙе күрһәтеү маҡсатында Яңы йыл байрамы алдынан студияла шөғөлләнеүселәр ҙур байрамға йыйылды. Сағыу сығыштар, матур костюмдар, моңло тауыштары менән әсир итте тамашасыларҙы балалар. Йырҙар бер нисә телдә яңғыраны. Ата-әсәләр үҙ сиратында Гөлсинә Әлмөхәмәт ҡыҙына рәхмәтен белдерҙе. Артабан да беҙгә бәхет өләш, “Бәхет!”
Лилиә МӘҮЛИТОВА.
Бәхет өләшә "Бәхет"
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
