Һоҡланып ҡарап ултырҙыҡ

Быйылғы матур тамаша Рәсәйҙә иғлан ителгән Уҡытыусы һәм остаз йылына арналды. Концерт барышында «Тамыр» ойошторған «Уҡытыусыма» тигән иншалар конкурсында еңеүселәрҙе лә бүләкләнеләр. Улар – Белорет районы Инйәрҙәге 2-се мәктәптең III синыф уҡыу­сыһы Зөлхизә Йосопова; Ишембай районы Маҡар мәктәбенең II синыф уҡыусыһы Искәндәр Һиҙиәтов; Стәрлебаш районы Со­веттар Союзы Геройы Сафа Хә­сәнов исемендәге Йәлембәт мәк­тәбенең VIII си­ныф уҡыусылары Дилә Аҡанаева, Юлиә Шәрипова, Айгүзәл Иҫәнсурина; Дәүләкән районы Ҡыҙрас мәктәбенең I синыф уҡыу­сыһы Эльза Шағаева; Күгәрсен районы Мораҡ баш­ҡорт гимназияһының V «Г» синыфы уҡыусыһы Камил Николаев.
«Тамыр» йыр студияһында шөғөлләнгән төрлө йәштәге балаларҙың сығыштарын, «Сулпылар» телевизион йыр конкурсы еңеүселәренең йырҙарын, республиканың өлгөлө бейеү коллективтары бейеүҙәрен һоҡланып ҡарап ултырҙыҡ. «Уйынсыҡ түгел» фильмында төп ролдәрҙе башҡарыусы йәш актёр­ҙар ҙа йырланы. Ә тәнәфес ва­ҡытында ҡыҙыҡлы уйындар ойошторолдо.

Э. РӘШИТОВА.