Хәйриә акцияһында ҡатнаш!

Һәр кем балалар йорттары, дауаханалар, хоспистар, мәктәптәр һәм китапханалар өсөн китаптар тапшыра ала.

-Махсус йыйыу пункттары асыла. Күп кенә нәшерселәр Өфө хосписына әҙәби йыйынтыҡтар тапшырырға теләк белдерҙе, — тип белдерә Башҡортостан Мәҙәниәт министрлығының социомәҙәни эшмәкәрлек бүлеге етәксеһе Ирек Иманғәлин.

«Башинформ» хәбәр иткәнсә, сара Башҡортостан Башлығы булышлығында ВДНХ-ла Мәскәү халыҡ-ара китап күргәҙмә-йәрминкәһе һәм «Ҡыҙыл майҙан» китап фестивале кеүек ойошторола.

Фестивалдең киске программаһында — артистар Даниил Спиваковский, Дмитрий Дюжев, Дарья Мороз башҡарыуында моноспектаклдәр һәм әҫәрҙәрҙе тасуири уҡыу.

Йәрминкәнең көндәлек эше Рәсәй һәм башҡорт әҙәбиәтенең классик әҫәрҙәре — «Кеше яҙмышы», «Өс таған», «Ал елкәндәр» буйынса нәфис фильмдар күрһәтеү менән тамамлана.

Сығанаҡ һәм фото: bash.bashinform.ru