Көндәр һыуыта башлай, йылы кейенеп йөрөгөҙ

 Киҙеү мәлендә та­науға оксолин майы һөртөп йөрөргә кәрәкле­ген барыһы ла беләлер, моғайын. Ул вирустарҙан һаҡлай, сирҙе иҫкәртә.
 Бысаҡ менән ваҡ ҡына ту­ралған лимон менән бал­ды бергә бутап ултыр­таһың. Бал яйлап иреп бөтә.  Һалҡын тей­гәндә, тамаҡ төбө ҡысыта башлаһа,  шул мәлдә ҡапҡылап алһаң, бик килешә. Бәләкәй балаларға ла имеп йөрөргә кәңәш ителә.
 Әгәр ҡан баҫымы юғары булмаһа, бронхит, астма менән йонсоған­дарға түбәндәге ысул һәйбәт: таста тоҙҙо ире­тәһең дә эҫе ташҡа һибеп, ләүкәлә бер тына ултырып тораһың. Тын алыуҙары иркенәйеп, йүтәл йомша­рып китә. Үҙенә күрә «тоҙ­ло шахта» була.
 Өшөп ҡайтып ингәндә, аяҡтарҙы йылын­ғансы эҫе һыуҙа тотоу үҙен аҡлай. Аҙаҡ ҡоротҡансы һөртөргә онотмағыҙ. Шулай уҡ табандарға ҡоро горчич­ник һалып йөрөү ҙә килешә.  Вирус­тарға организмда үрсеү мөмкинлеге бирмәҫкә кәрәк. Бының өсөн ни эшләргә? Вирустар юғары температураны яратмай, шунлыҡтан һал­ҡын тейеүҙең тәүге билдә­ләре беленгәс тә танау тирә­һен, маңлайҙы, тамаҡты йылытырға кәрәк – был ви­рустарҙы юҡ итергә ярҙам итә. Аяҡ табандарын йылы­тыу ҙа файҙалы.

Тик был иҫкәртеү сараларын ҡулланыу алдынан врач менән кәңәшләшеп алырға онотмағыҙ, йәме, дуҫтар!

Фото һәм сығанаҡ: “Файҙалы кәңәштәр”.