+16 °С
Болотло
TelegramVKOK
Бөтә яңылыҡтар
Төрлөһөнән
2 Май , 11:00

Хәтер кеҫәңә һалып ҡуй...

Гөлтләп ҡабынмағыҙ, рәхмәтле булығыҙ, яҡшылыҡҡа ышанығыҙ. Ни сәсһәң, шуны урырһығыҙ. 

Хәтер кеҫәңә һалып ҡуй...
Хәтер кеҫәңә һалып ҡуй...

Өйөңә бер ваҡытта ла асыу, үпкә тойғоларын алып ҡайтырға ярамай. Оло йәштәге ағайҙың әйткәндәре иҫтә: "Күрәһеңме, тупһа аша уҙыр алдынан эт гел генә ҡағынып ала. Һин дә шулай, өйөңә инер алдынан борсолоуҙарыңды, күңелһеҙ уйҙарыңды тышта ҡалдыр".
Һинең өйөң көрәш майҙаны түгел. Өй ул - һыуһыныңды ҡандырыр, ыжғыр бурандарҙан ышыҡланыр урын.

Балаларыңды һағынып, һине көткәндәрен белеп ҡайтҡан кеүек, улар ҙа үҫкәс, атай-әсәй йортона шатланып ҡайтырға яҙһын, уларҙың һәр ҡайтып инеүе байрам булырға тейеш. Балаларың, улар өсөн һинең өй ишектәре һәр ваҡыт асыҡ булыуын, уларҙы бында һәр саҡ көтөүҙәрен, уларҙың хәсрәттәрен уртаҡлашырға әҙер булыуҙарын, һәр ваҡыт ярҙам күрһәтәсәктәрен белергә тейеш.

Мөхәббәт, бер-береңде аңлау йәшәгән, һиңә бында терәк һәм ярҙам күрһәтәсәктәрен белгән йорт бер ваҡытта ла һалҡын һәм буш булмай. Бындай йорт яҡындарыбыҙға ҡарата бүленгән йылыбыҙҙы, йомартлығыбыҙҙы оҙаҡ йылдар һаҡлаясаҡ...

Сығанаҡ: "Даирә" төркөмө.

Фото: интернет селтәренән.

Автор:Зөһрә Хәкимова
Читайте нас: