Полина ДУДКО ҡотлай

– Хөрмәтле «Йәншишмә» гәзитен уҡыусы тиҫтерҙәрем, Баш­­ҡортостан хал­ҡы һәм яу­ҙағы батыр йөрәкле һал­дат ағайҙар!
Һеҙҙе етеп килгән Яңы 2026 йыл менән ҡайнар ҡотлайым. Барығыҙға ла һаулыҡ теләйем. Яныбыҙҙағы иң ҡәҙерле кешеләребеҙ гел тыуасаҡ көндәргә шатланып йәшәһен! Ә бит ошо матур көндәр булһын өсөн йәндәрен аямай яуҙа дошмандар менән көрәшкән яугир ағайҙарға бурыслыбыҙ. Уларға ныҡлы һаулыҡ, рухи көс, өмөт, ышаныс һәм артабан да шулай ҡыйыу булыу­ҙарын теләйем. Мин илебеҙ һаҡсыларына ышанам, тиҙҙән Еңеү яулап тыуған яҡтарына ҡайтырҙар! Тиҙерәк илебеҙҙә тыныслыҡ урын­лашып, ҡыуанырға яҙһын!
Ә тиҫтерҙәремә әйтер һүҙем: мәктәптә тырышып белеп алығыҙ, йәшәгән төйәгебеҙҙе яратығыҙ,буш ваҡытығыҙҙы файҙалы итеп үткәрегеҙ. Тыу­ған еребеҙ матур һәм һоҡланғыс! Уны һаҡларға, яҡларға кәрәк. Шуға ла яугир­ҙарыбыҙға ҡулыбыҙҙан килгәнсә ярҙам итергә тырышайыҡ, дуҫтар!
Тағы ла бер ҙур теләгемдең тормошҡа ашыуын теләйем: Рәсәй Президенты Владимир Путин менән осрашып, ҡул бирешеп күрешергә ине.