+9 °С
Болотло
TelegramVKOK
Бөтә яңылыҡтар
Таныш булығыҙ
13 Декабрь 2023, 12:02

Һоҡланмаған кеше юҡ

Розалиә Ғилфанова беренсе синыфта уҡый. Мәктәптә һоҡланмаған кеше юҡтыр үҙенә. 

Һоҡланмаған кеше юҡ
Һоҡланмаған кеше юҡ

Бүлмәгә килеп инеү менән ул бөтә синыфты үҙенә ҡаратып алды. Уларҙың ғаиләһендә биш бала тәрбиәләнә, ике һеңлеһе, бер ағайы һәм ҡустыһы бар.
Розалиә матур итеп шиғырҙар һөйләргә ярата. Тәнәфестә ба­лалар менән шахмат, шашка уйнай. Уҡытыусы ҡушҡан бөтә эштәрҙе еренә еткереп башҡара. Синыфтағы ҡыҙҙар ҙа уны яратып, тыңлап ҡына торалар.
Дәрестәрҙән һуң Розалиә ашығып өйөнә ҡайта. Сөнки әсәһенә ярҙам итергә кәрәк. Уңған ҡыҙ бит ул. Өй йыйыштырырға, туҙан һөртөргә, гөлдәргә һыу һибергә, ҡустыһын ҡарарға ла өлгөрә.
Буш ваҡытында ул һүрәттәр төшөрөргә, бейергә, йырларға әүәҫ. Беҙ Розалиәгә уңыштар теләйбеҙ.


Рәзифә ЮЛДАШЕВА,
башланғыс синыфтар уҡытыусыһы.
Туймазы районы, Серафимовка ауылы.

Автор:"Йәншишмә" гәзите
Читайте нас: