+15 °С
Ямғыр
TelegramVKOK
Бөтә яңылыҡтар
Тарих биттәренән
7 Апрель 2021, 14:43

Каруанһарай - изге йорт

Ырымбур ҡалаһындағы Каруанһарай - XVIII быуаттың тарих һәм архитектура ҡомартҡыһы. Генерал-губернатор В.А.Перовский тәҡдиме менән 1837 йылда төҙөлә башлаған һәм 1846 йылдың 30 авгусында асыла ул.

Бына ҡайҙан килә башҡорт халҡында Перовскийға ҡарата хөрмәт, хатта бейеүе лә бар бит. "Ырымбурға йомош йәки эш менән килгән башҡорттарҙың һәм мишәрҙәрҙең һис ниндәй туҡталыу урыны ла юҡ,- тип яҙа Ырымбур генерал-губернаторы Перовский 1836 йылдың 20 апрелендә башҡорт һәм мишәр кантон башлыҡтарына мөрәжәғәтендә. - Мин бында даими туҡталыу урыны, йәғни Каруанһарай һала башларға ниәтләнәм. Был һарайҙа теләгән бер башҡорт һәм мишәр бушлай туҡтала алыр ине". Халыҡ быны хуплай һәм төҙөлөш өсөн күп кенә аҡса йыя.
Башҡорттар өсөн һалынған йортта Башҡорт-мишәр ғәскәре идаралығы, ҡорал склады, башҡорт балалары өсөн училище, тимерлек, ағас эшкәртеү, ҡамыт-ыңғырсаҡ эшләү, тегеү оҫтаханалары, намаҙ уҡыу, ғөрөф-ғәҙәттәрен һаҡлау өсөн мәсет була.
Быйыл Каруанһарайҙың асылыуына 175 йыл тулыу айҡанлы, Башҡортостанда һәм Ырымбурҙа саралар ойоштороласаҡ.
Фото: bestzagar.ru
Читайте нас: