+15 °С
Ямғыр
TelegramVKOK
Бөтә яңылыҡтар
Тарих биттәренән
12 Октябрь 2023, 21:27

"Аҡбуҙат, бөркөт, торна менән дә гербтар бар ине"

1993 йылдың 12 октябрендә дәүләт гимны һәм гербы тураһында ҡанун ҡабул ителә. Ни өсөн 45-ләп вариант араһынан тап Салауат Юлаев һүрәтләнгәне һайлап алынған? Уның авторы кем?

"Аҡбуҙат, бөркөт, торна менән дә гербтар бар ине"
"Аҡбуҙат, бөркөт, торна менән дә гербтар бар ине"

Билдәле рәссам Фазлетдин Ислаховтың иҫтәлектәренән: “Конкурс өс йыл барҙы. Беҙҙән генә түгел, илебеҙҙең башҡа төбәктәренән дә ҡатнашыусылар булды.

Комиссияла Мостай Кәрим, Әхмәт Лотфуллин, Заһир Исмәғилев, Зөфәр Еникеев, Мансур Әйүпов һәм башҡалар булды. Мин эшләгән варианттар араһында бүре, ҡурай торғандары ла бар ине. Салауат Юлаев һәйкәле менән генә биш төрлө герб төшөрҙөм. Аҡбуҙат, бөркөт, торна һүрәтләнгәндәрен дә тәҡдим иттеләр. Геройыбыҙ менән булғаны еңеп сыҡҡанына шатмын. Хатта авторы икенсе кеше булһа ла ныҡ ҡыуаныр инем. Дәүләт йыйылышы – Ҡоролтайҙа минең һүрәткә тауыш биргән көндә гимн да ҡабул ителде. Уны композитор Фәрит Иҙрисов ижад иткәйне.

Гербта Салауат Юлаевты дөйөм образ итеп ҡарарға кәрәк. Ул – ғәҙеллек һәм ирек өсөн көрәшеүсе интернациональ батыр”.

Фазлетдин Ислахов (1944 — 2016) Балаҡатай районында тыуған. Күп билдәле эштәрҙең, портреттарҙың, китап һүрәттәренең авторы.

Фото: www.bashinform.ru.

Автор:Лилиә Фазлетдинова
Читайте нас: