+12 °С
Ямғыр
Бөтә яңылыҡтар
"Тарих яҙабыҙ"
24 Август 2018, 14:01
Канчал тауы
Канчал – Бөрйән районының Ҡолғана ауылы янындағы күпте күргән сал тауҙарҙың береһе. Башҡорт дәүләт ҡурсаулығына ҡарай ул. Бик матур тәбиғәтле, тирә-яғында ҡарағай ағастары үҫә, еләк күп. Тик ҡурсаулыҡ булғас, йыйырға ярамай.Тауҙың исеме ҡайҙан килеп сыҡҡанын өләсәйем Зәйтүнә Айытбаеванан һораштым. Ике варианты бар икән.
Беренсеһе, «ҡан» һәм «шал» һүҙҙәренә бәйле. Граждандар һуғышы ваҡытында ауыл бер көн ҡыҙылдар ҡулында булһа, икенсе көнө аҡтарға күскән. Урындағы халыҡ аҡтарҙан да, ҡыҙылдарҙан да ныҡ зыян күргән. Һуңынан ҡылыстар, штыктар, патрондар табыла. Һуғышта бик күп кеше ҡырылған. Тау ҡанға шал менән буяған кеүек булған. Бөрйәндә буяуҙы шал, тиҙәр. Ҡайһы берәүҙәр тауҙы Ҡаншал тип йөрөтә.
Икенсе варианты ошолай. Бер ҡаты һуғышта һуңғы дошманды ауҙарғас, берәү: «Кончил!» – тип ҡысҡырған икән, йәғни бөттө, тигән. Шул һүҙ аҙаҡ үҙгәреп, Канчал булып киткән.
Беҙҙә тағы ла Памятник туғайы бар. Ҡыҙылдар ауылда саҡта аҡтарға уларҙың бында икәнлектәрен кемдер хәбәр итә. Төнөн килеп баҫып, аҡтар ҡыҙылдарҙы ҡыра. Ҡулға алынғандарын яҡындағы ошо туғайҙа аталар. Аҙаҡтан күлгә ташлайҙар, ә ауыл кешеләре һуңынан күлдән сығарып, кейемдәрен систереп алып, үҙҙәрен бер ҡәбергә ерләй. Кейемдәрҙе ташламайҙар, сөнки юҡлыҡ ваҡыты була.
Рамаҙан ҒӘЛИӘКБӘРОВ.
Өфө ҡалаһы, республика инженер интернат-лицейы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж