+25 °С
Болотло
Бөтә яңылыҡтар
Тирмәкәй
29 Июнь 2018, 17:33
Һәр минуты ҡәҙерле
Матур миҙгел етте. Һәр кем йәйге ялды түҙемһеҙлек менән көтә һәм файҙалы, фәһемле итеп үткәрергә тырыша.
Матур миҙгел етте. Һәр кем йәйге ялды түҙемһеҙлек менән көтә һәм файҙалы, фәһемле итеп үткәрергә тырыша.
Минең өсөн иң рәхәте – ауылда өләсәй, ҡартәсәй-ҡартатайҙар янында булыу. Йыл һайын ҡустым Илсур менән яратҡан кешеләребеҙ эргәһенә ҡайтабыҙ. Атай-әсәйебеҙҙең тыуып үҫкән Баймаҡ районының Аҡморон, Йомаш яҡтары беҙгә лә яҡын, ҡәҙерле. Унда беҙ йәй буйы рәхәтләнеп ял итәбеҙ: эҫе көндәрҙә йәмле Һаҡмар йылғаһында һыу инәбеҙ, ҡомда ҡыҙынабыҙ, төрлө уйындар уйнайбыҙ, велосипедта уҙышабыҙ. Әлбиттә, олатай менән өләсәйгә ярҙам итергә лә онотмайбыҙ. Өй, баҡса эштәрендә булышабыҙ, бигерәк тә ҡаҙ, тауыҡ себештәре көтөшөргә яратабыҙ. Ә кистәрен өләсәй әкиәттәр генә түгел, тормоштағы төрлө фәһем алырлыҡ хәлдәрҙе һөйләй, беҙҙе яҡшылыҡҡа өндәй, изгелекле булырға өйрәтә.
Минең өсөн иң рәхәте – ауылда өләсәй, ҡартәсәй-ҡартатайҙар янында булыу. Йыл һайын ҡустым Илсур менән яратҡан кешеләребеҙ эргәһенә ҡайтабыҙ. Атай-әсәйебеҙҙең тыуып үҫкән Баймаҡ районының Аҡморон, Йомаш яҡтары беҙгә лә яҡын, ҡәҙерле. Унда беҙ йәй буйы рәхәтләнеп ял итәбеҙ: эҫе көндәрҙә йәмле Һаҡмар йылғаһында һыу инәбеҙ, ҡомда ҡыҙынабыҙ, төрлө уйындар уйнайбыҙ, велосипедта уҙышабыҙ. Әлбиттә, олатай менән өләсәйгә ярҙам итергә лә онотмайбыҙ. Өй, баҡса эштәрендә булышабыҙ, бигерәк тә ҡаҙ, тауыҡ себештәре көтөшөргә яратабыҙ. Ә кистәрен өләсәй әкиәттәр генә түгел, тормоштағы төрлө фәһем алырлыҡ хәлдәрҙе һөйләй, беҙҙе яҡшылыҡҡа өндәй, изгелекле булырға өйрәтә.
Тағы ла ҡустым менән минең иң яратҡан йәйге шөғөлөбөҙ – балыҡ ҡармаҡлау. Бәләкәй саҡтан уҡ ҡәҙерлеләрем беҙҙе үҙҙәре менән йылға буйына алып йөрөнө. Эй, күңелле инде шул саҡтар! Табан балыҡ, ҡыҙылғанат, алабуға, хатта суртан да эләккәне бар ҡустым менән миңә! Бәләкәй генә, әле үҫергә тейешлеһе эләкһә, беҙ уны кире һыуға ебәрәбеҙ. Ә саф һауала, матур тәбиғәткә һоҡланып, балыҡ сиртеүен көтөүе үҙе бер күңелле мәл! Һыу буйында үткәргән көндөң һәр минуты иҫтә тороп ҡала.
Камилә ӘХМӘТОВА, IV «В» синыфы уҡыусыһы.
Өфө ҡалаһы, Фатима Мостафина исемендәге 20-се башҡорт гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж