+12 °С
Ямғыр
Бөтә яңылыҡтар
Тирмәкәй
31 Август 2018, 13:21
Алтын билдәле Алһыу
Ете йәшлек кенә Алһыу ниндәй ҙур уңышҡа өлгәшкәнен үҙе лә аңлап етмәйҙер әле. Бәләкәй шул, уҡырға ла алты йәш ярымдан уҡ төшкән бит. Әбйәлил районы Асҡарҙағы Таһир Күсимов исемендәге гимназияның I синыфын тамамлаған.
Ә яңыраҡ ҡыҙға «Хеҙмәткә һәм оборонаға әҙер бул!» Бөтә Рәсәй спорт-һауыҡтырыу комплексының 6 – 8 йәшлектәр өсөн I баҫҡысы нормативтарын яҡшы үтәгәне өсөн «Алтын билдә» тапшырҙылар. Был төркөмдәге балаларға бөтәһе һигеҙ төрлө һынау ҡаралған. Әйтәйек, ҡыҙҙар алтын миҙал алыр өсөн 30 метрҙы – 6,2, ә малайҙар 5,9 секундта йүгереп үтергә тейеш. Алһыу Әминеваны Физкультурниктар көнөндә Асҡар стадионында бүләкләнеләр.
– Бәләкәйҙән бик теремек, тиктормаҫ бала ул. Өйҙә атлап түгел, йүгереп, тәгәрәп йөрөй, тиһәң дә була, – ти әсәһе Ләйсән Рафаэль ҡыҙы. Ул үҙе лә спорт ярата икән, уҡыусы, студент саҡтарында уҡыу йорттарының волейбол командаһында уйнаған.
Ә Алһыу балалар баҡсаһына йөрөгәндә гимнастика менән бик ихлас шөғөлләнгән. Гимназияла иһә башҡорт бейеүе түңәрәгенә йөрөй. Икенсе синыфта таэквондо секцияһына ла яҙыласаҡ, Алла бирһә. Энергияһы ташып тора уның, күҙ теймәһен. Әле каникулда ла йүгерә лә, һикерә лә, туп менән дә уйнай, ролигында, самокатында ла йөрөй. Йәйгеһен ике яҡта – ике өләсәләрендә лә булғандар, ял иткәндәр, һыу ингәндәр. Элина апаһы менән уларға ярҙам иткәндәр. Ҡаҙ, тауыҡтарҙы ҡарау, башмаҡ, быҙауҙарҙы ҡыуыу, баҡсала емеш-еләк йыйыу кеүек эштәрҙе үҙҙәренә ышанып тапшырырға була хәҙер.
Өйҙәрендә лә шәп ярҙамсылар икән ҡыҙҙар.
– Ашарға әҙерләй башлаһам, йүгереп килеп етәләр. Өс йәшлек Гүзәлиә лә ҡалышмай. Алһыу ҡыҙым да хәҙер һауыт-һаба, иҙән йыуырға ла эшкингән, – ти әсәләре.
Һәләтле ҡыҙ рәсем төшөрөргә, балсыҡты әүәләп төрлө һындар эшләргә лә әүәҫ. Киләсәктә ниндәй һөнәр һайлар икән ул? Спорттымы? Иң мөһиме, һау-сәләмәт, бәхетле генә булһын, тип теләйек.
Эльвира ӘСӘҘУЛЛИНА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж