-27 °С
Болотло
TelegramТестарVKOK
Арзан хаҡҡа яҙылып ҡалайыҡ!
Бөтә яңылыҡтар
Тирмәкәй
31 Август 2018, 13:27

Элина апаһына эйәреп

Алты йәштә генә булһа ла, Эльвина Насирйәнова ла быйыл уҡырға бара. Тиктормаҫ ҡыҙы­ҡай­ҙың белмәгән нәмәһе юҡ. Әле үк бәләкәй генә китапсыҡтарҙы шытырҙатып уҡый.

III синыфтағы Элина апа­һына эйәреп, Мос­тай Кәрим исемендәге 158-се баш­ҡорт гимназияһына барасаҡ ул. Эльвиналар­ҙың синыфын тәжрибәле уҡытыусы Фәрҙиә Халиҡ ҡыҙы Әминева ҡаршы аласаҡ.

Балалар баҡсаһына йөрөгәндә төрлө һөнәрҙәргә өйрәнде ҡыҙ. Йырларға, бейергә, һүрәт төшөрөргә оҫта. Оригамиға, бал­сыҡтан төрлө һындар әүәләп эшләргә әүәҫ.

Гимназияла Эльвина бейеү, йыр түңәрәктәренә йөрөргә теләй. Йәйгеһен Баймаҡ, Әб­йәлил райондарындағы өләсәйҙәрендә саф тәбиғәт ҡосағында ял итеп, Өфөнө лә һағынып ҡайтты. Гимназияла тырышып уҡып, аҡыллы ҡыҙ булып үҫеп, яҡындарын ҡыуандырыр әле. Аҡ юл, һиңә, Эльвина!


Э. ҒӘЛЛӘМЕТДИНОВА.

Читайте нас в