-6 °С
Болотло
Бөтә яңылыҡтар
Тирмәкәй
28 Сентябрь 2018, 16:33
Артист булам, ти Айҙар
Дүрт йәшлек кенә сағында тәү тапҡыр сәхнәгә сығып, «Салауат» йырын башҡара. Кескәй йырсыны бик алҡышлап оҙаталар. Ундай саҡты онотоп буламы ни инде! Һаман хәтерендә Айҙарҙың. Улдарының йыр-моңға битараф булмағанлығын күреп, атай-әсәйҙәре уны 6 йәшендә Йәмилә Сабир ҡыҙы Рамаҙанова етәкләгән «Аҡбуҙат» башҡорт фольклор коллективына алып килә.
Улар район кимәлендә ойошторолған ниндәй генә сараларҙа сығыш яһамай. Күмәкләп үҙҙәрендәге «Аҡбуҙатта ҡунаҡта», «Урал иле», Стәрлетамаҡта уҙған «Ашҡаҙар таңдары» фольклор төркөмдәре республика бәйгеләрендә йыл һайын I, II урындар яулайҙар. Сәхнәгә яңғыҙы ғына сығып та уңыштарға ирешә. Былтыр «Сулпылар» республика телевизион конкурсында ҡатнашып, «Серле ҡыҙ» йыры менән икенсе урынды ала. Беренселә уҡыусы туғаны Аделина менән дә бергә көстәрен һынап, призлы урынға сығалар.
Нәфис һүҙ һөйләүгә лә маһир икән үҙе. Зәйнәб Биишеваның шиғырын ятлап, Көйөргәҙелә еңеүсе булған. «Урал батыр» эпосын яттан һөйләүсе йәш сәсәндәрҙең район ярышында быйыл беренселекте бер кемгә лә бирмәгән. Бейеүгә лә оҫталығы бар.
– Айҙар яҡшы уҡый. Бик яуаплы, тырыш уҡыусы. Бөтә ҡушҡан эштәрҙе теүәл үтәй. Мәктәптә үткән көҙгө кроста ҡатнашып, икенсе урын яуланы, – тип уҡытыусыһы Айгөл Раһип ҡыҙы Хөсәйенова ла маҡтап телгә алды.
Йәйге каникулын да матур уҙғарған ул. Руслан ағаһы менән футбол уйнап рәхәтләнгәндәр.
Киләсәктә кем булырын һорағас, күп уйлап тормай: «Артист», – тип яуап бирҙе. Тамашасыларҙы йыр-моң, бейеүҙәрең менән ҡыуандырып торорға яҙһын, уңыштар һиңә!
Г. РАМАҘАНОВА.
Көйөргәҙе районы, Илкәнәй мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж