Бөтә яңылыҡтар
Тирмәкәй
30 Ноябрь 2018, 16:35

Ҡурайсы ла, бейеүсе лә

«Ҙурайғас, музыка уҡытыусыһы булам да балаларҙы баянда, ҡурайҙа уйнар­ға өйрәтәм», – ти Ғаяз Танһыҡҡужин. Үҙе Сибай музыка колледжының I синыфында ғына уҡый әле. Әммә ҡойоп ҡуй­ған артист инде! Күҙ теймәһен.

«Ҙурайғас, музыка уҡытыусыһы булам да балаларҙы баянда, ҡурайҙа уйнар­ға өйрәтәм», – ти Ғаяз Танһыҡҡужин. Үҙе Сибай музыка колледжының I синыфында ғына уҡый әле. Әммә ҡойоп ҡуй­ған артист инде! Күҙ теймәһен.

– Мин эшкә иртә сыҡҡас, бәләкәйҙән өләсәһе Гөлшат Һибәтулла ҡыҙы һәм олатаһы Йәүҙәт Рәхимйән улы Вилдановтар менән ултыр­ҙы. Өләсәһе – ҡумыҙҙа, олатаһы баянда уйнай. Өйҙә гел концерт ҡуя торғайнылар. Ғаяз йырлай, тасуири итеп шиғыр­ҙар ҙа һөйләй, – ти әсәһе.
Һәләтле малай «Әкиәт» балалар баҡсаһына йөрөгән са­ғында уҡ ҡаланың балалар сәнғәт мәктәбендә бейеү менән шөғөлләнгән.
Хореография синыфы уҡытыусыһы Ал­һыу Шәмсетдин ҡы­ҙы Хафизова Мәликә Байғужина исемле ҡыҙ менән икеһенә айырым «Ҡурсаҡ» тигән бик матур заманса халыҡ бейеүен өйрәткән. Бик инсафлы ҡыҙ ул. Сәнғәтте ярата. Әле 13-сө мәктәптең I синыфында уҡый. Кескәйҙәр дуэт менән Өфөлә, Ҡырым Республикаһында ла конкурс­тарҙа ҡатнашып, дипломдарға лайыҡ булған. Яңыраҡ баш ҡалала үткән «Баш­ҡортостан талант­тары» бәйгеһендә II урын ал­ғандар. Ә иң ҙур еңеүҙәре, мо­ғайын, мәҙәниәт һәм сәнғәт өлкәһендәге «Рәсәй киләсәге» милли премияһы финалына сы­ғыу­ҙарылыр. Кескәй бейеүселәр яҙ көнө Мәскәүгә барып, сы­ғыш яһап, диплом алып ҡайт­ҡан.
Ғаяз музыка ҡоралдары менән дә мауыға. Ҡурайҙа, ҡумыҙҙа, баянда, пианинола уйнай белә. Сәйфулла Дилмө­хәмәтов исемендә­ге төбәк-ара ҡурайсылар бәйгеһендә II урын алған.
Уҡыу буйынса математика, яҙыу дәрестәре оҡшай Ғаяз­ға. Тиктормаҫ, кешеләр менән арала­шыр­ға яратҡан малай ҡыштарын конькиҙа йөрөргә, хоккей уйнарға әүәҫ, ә йәй етһә, роликта һәм велосипедта елдерә.

Э. ҒӘЛЛӘМЕТДИНОВА.