Бөтә яңылыҡтар
Тирмәкәй
1 Март 2019, 12:18

Һау бул, Әлифба!

Шәһит Хоҙайбирҙин исемендәге үҙәк балалар китапханаһында кескәйҙәр өсөн «Әлифба менән хушлашыу» байрамы үтте. Унда Өфө ҡалаһының 21-се мәктәбенән I cиныф уҡыусыларын саҡырҙыҡ.

Кескәйҙәрҙе Мэри Поппинс ҡаршы алды. Уның менән бергә «Әлифба иле»нә сәйәхәт ҡылдылар. Әҙәби геройҙар – Белмәҫйән менән Буратиноны осраттылар. Ә улары бөтөнләй ҙә Әлифба менән таныш түгелдәр, хәрефтәрҙе лә белмәйҙәр икән.

Уҡыусылар Белмәҫйән менән Буратиноға уҡыу, китап тураһында йомаҡтар сисергә ярҙам итте, тиҙәйткес ятларға, хәрефтәрҙән һүҙҙәр төҙөргә өйрәтте.

Кисә аҙағында кескәйҙәр Китаптар батшабикәһе менән осрашты. Ул балаларҙы байрам менән ҡотланы, уҡыуҙарында уңыштар теләп, китап бүләк итте.


Сәлиә ВӘЛИЕВА, китапханасы.
Өфө ҡалаһы.