Бөтә яңылыҡтар
Тирмәкәй
26 Апрель 2019, 22:02

Бәләкәс артистарыбыҙ

Аҡъяр ауылының «Бәпембә» балалар баҡсаһында Театр йылына арналған аҙналыҡта бөтә төркөмдәр ҙә әүҙем ҡатнашып, үҙ һәләттәрен күрһәтте.

«Миләшкәй» тәрбиәләнеүселәре – «Бүре менән Кәзә», «Көнбағыш»­тар – «Эт үҙенә нисек хужа тапҡан?», «Аҡбу­ҙат»­тар – «Бер тоҡ алма» әкиәтен һәм Мостай Кәримдең «Ҡайын урманында» хикәйәһен сәхнәләштерҙе. «Аҡ сәскә» һәм «Ҡың­ғырау» төркөмдәрендә мәктәпкә барырға әҙерләнеп йөрөгән кескәйҙәр Айһылыу Йәғәфәрованың «Кемдең күлдәге матур?», «Нәҙекәйбил» әкиәттәре буйынса әҙерләгәйне.

Тамашасы булыу ғына түгел, ә спектаклдә үҙең ҡатнашыу кескәй­ҙәр өсөн бик ҡыҙыҡлы һәм фәһемле ине. Киләсәктә бәләкәс дуҫтарыбыҙ араһынан артистар ҙа сығыр, тип ышанабыҙ. Уларға уңыштар теләйбеҙ.

Әнисә РАХМАНҒОЛОВА,
балалар баҡсаһы тәрбиәсеһе.
Хәйбулла районы.