+17 °С
Болотло
TelegramVKOK
Бөтә яңылыҡтар
Тирмәкәй
31 Май 2019, 12:26

Уҡыусы буласаҡтар

308-се башҡорт балалар баҡсаһында шатлыҡлы ла, моңһоу ҙа байрам үтте. 5-се мәктәпкә әҙерлек төркөмөнөң малайҙары һәм ҡыҙҙары беҙҙең менән хушлашты.

Ҡасандыр ата-әсәләр үҙҙәренең кескәй генә балаларын йәлләп тә, борсолоп та балалар баҡсаһына алып килгән ине. Бөгөн уларҙың йөҙҙәрендә кескәйҙәре өсөн ғорурлыҡ тойғоһо сағыла. Сөнки балалар берҙәм, бик дуҫ һәм татыуҙар, аҡыллы һәм ярҙамсылдар.
Тәрбиәселәр Рәзидә Абдулхаҡ ҡыҙы Маликова һәм Сәлимә Урал ҡыҙы Үҙәрбаева балаларҙы тәрбиәләүгә бөтә күңелдәрен һалды, йөрәк йылыларын бирҙе. Баҡсалағы бер сара ла 5-се төркөм­һөҙ үтмәне. Район, ҡала, республика кимәлендә барған бәйге­ләр­ҙә лә гел генә ҙур уңышҡа ирештеләр.
«Беҙ – гагаринсылар!» тигән интеллектуаль полиолимпиадала Даяна Ғарифуллина республика кимәлендә II урын яуланы.
Киләсәктә кескәй­ҙәргә тырышып уҡыу­ҙарын, мәктәптә лә әүҙем булыуҙарын һәм яңы еңеүҙәр теләп ҡалабыҙ.

Мәйсәрә ХАММАТОВА.
Өфө ҡалаһы.

Читайте нас: