+12 °С
Ямғыр
Бөтә яңылыҡтар
Тирмәкәй
31 Май 2019, 12:33
Ура, беҙ бишенсегә күстек!
Май аҙағында күп тантаналар үтә. Ун беренселәр мәктәп менән һаубуллаша. Ә беҙ башланғыс синыфтарҙы уңышлы тамамлап, бишенсегә күстек! Биш йыл буйы яратҡан уҡытыусыбыҙ Әлмира Ҡасим ҡыҙы Сәйфуллина менән бергә белем тауына үрләнек. Күптәребеҙ әҙерлек төркөмөнә лә йөрөнө бит.
Тәүге уҡытыусыбыҙҙан айырылыуы күңелһеҙ. Ул – гимназиябыҙҙың иң яҡшы уҡытыусыларының береһе. Төплө белем биреп кенә ҡалмай, синыф сәғәттәрендә беҙгә бик күп фәһемле кәңәштәрен дә әйтте, кешелекле, изге күңелле булырға өйрәтте, хәүефһеҙлек ҡағиҙәләрен үтәргә кәрәклеген дә аңлатты. Бер ҡасан да тауыш күтәрмәй, барыһын да ипләп кенә аңлата.
Гимназиябыҙҙа яҡшы уҡыу, төрлө яҡлап һәләтеңде үҫтереү өсөн шарттар етерлек. Сығарылыш кисәһендә синыфташтарыбыҙ йырланы ла, бейене лә, шиғырҙар ҙа һөйләне. Спорт өлкәһендә уңыш ҡаҙанған уҡыусылар ҙа бар. Хәҙер иң мөһиме тырышлыҡ икәнен беләбеҙ инде. Уңышлы булыр өсөн ваҡытты бушҡа үткәрмәҫкә, үҙеңә ныҡ эшләргә кәрәк.
– Тыуған еребеҙгә, илебеҙгә кәрәкле кешеләр булып үҫегеҙ, артабан да тырышып уҡығыҙ, һеҙҙе гимназияның иң тәжрибәле, алдынғы уҡытыусылары уҡытасаҡ, – тине беҙгә Әлмира Ҡасим ҡыҙы. Бишенселә кем беҙҙең синыф етәксеһе буласағын да әйтте.
Һынатмаҫбыҙ! Ә үҙебеҙ уҡыған кабинетҡа киләһе йылда ла, алсаҡ йөҙлө, наҙлы ҡарашлы тәүге уҡытыусыбыҙҙы һағынған һайын, инеп йөрөрбөҙ. Рәхмәт, Әлмира Ҡасим ҡыҙы! Беҙ ҙурайҙыҡ, ә һеҙ яңынан беренселәрҙе үҙ ҡанатығыҙ аҫтына алаһығыҙ. Һеҙгә тәртипле, тырыш уҡыусылар килеүен теләйбеҙ.
IV «Б» СИНЫФЫ УҠЫУСЫЛАРЫ.
Өфө ҡалаһы, Мостай Кәрим исемендәге 158-се башҡорт гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж