-14 °С
Болотло
TelegramТестарVKOK
Бөтә яңылыҡтар
Тирмәкәй
28 Июнь 2019, 12:10

Атай-әсәйҙәр ҙә ярҙам иткән

48-се башҡорт лицейының IV «А» синыфы уҡыусылары «Һаумы, һаумы, әкиәт!» төбәк-ара конкурсында беренсе урын яулап ҡыуанды.




Улар «Йомарт Ҡуян» әкиәтен бик матур итеп сәхнәләштерҙе. Төп ролдәр – Ҡуян һәм Малайҙы Радмила Йәлилова менән Ильяс Хафизовтар башҡарҙы. Ифрат килештерҙеләр. Икенсе синыфтан алып бәйгелә ҡатнашып, оҫтарып бөткәндәр.

– Костюм әҙерләргә атай-әсәй­ҙәребеҙ ярҙам итте. Әкиәтте туған тел дәрестәрендә, төштән һуң да ҡабатланыҡ. Йырҙы синыфыбыҙ менән өйрәндек.

Балалар бик тырыш һәм татыуҙар. Дүртенсене уңышлы тамамланылар. Киләһе баҫ­ҡысты ла һынатмай үтеүҙәрен теләйем, – ти уҡытыусылары Зөһрә Ғәли ҡыҙы Сәхибгәрәева.

Г. РАМАҘАНОВА.
Өфө ҡалаһы.

Читайте нас в