Унда атай-әсәйҙәре, уҡытыусылары менән йөҙләгән беренсе синыф уҡыусыһы килгәйне. Ойоштороусылар әҙерләгән квест бигерәк тә ҡыҙыҡлы булды. Ҡыҙҙар, малайҙар биш майҙансыҡты үтеп, спорт уйындарында ҡатнашты, физика ҡанундары, инженер технологиялары, шулай уҡ төрлө һөнәрҙәр менән дә танышты.
Ғәҙәттәгесә, «Беренсе синыф уҡыусылары аллеяһы» байрамдың бер биҙәге булды. Ҙур стендта 7 меңдән ашыу баланың фотоһүрәте ҡуйылып, киләсәктә кем булырға теләүҙәре хаҡында яҙылғайны. Полицейский, янғын һүндереүсе, табип кескәйҙәрҙең иң яратҡан һөнәрҙәре икәнен белдек.
Матур саранан Фатима Мостафина исемендәге 20-се башҡорт гимназияһының I синыф уҡыусылары ла (һүрәттәрҙә күрәһегеҙ) ситтә ҡалманы. Квеста ҡатнашып, уйындар уйнап, күңелле ял итеп ҡайттылар.