-6 °С
Болотло
Бөтә яңылыҡтар
Тирмәкәй
25 Октябрь 2019, 13:21
Беренселәрҙең тәүге сәйәхәте
Красноусол башҡорт интернат-гимназияһының быйылғы беренселәре бигерәк бәхетле. Уҡыуҙар башланып, оҙаҡ та үтмәне, белем усағына Нияз Мәжитов исеме бирелде. Тағы ла «Тамыр» селтәре» проектына ярашлы, «Нөктә ТВ» исемле балалар телестудияһы эшен башлап ебәрҙе. Бына ниндәй шәп гимназияла белем аласаҡтар!
I «А» синыф уҡыусылары бер ҙә һынатмай икән. Бигерәк өлгөрҙәр. Дәрестә үткән һәр теманы йәһәт кенә үҙләштерә һалып, үҙҙәрен ҡыҙыҡһындырған һорауҙарын бирергә лә тартынмайҙар. Бөгөн тәбиғәтте өйрәнеү дәресендә «Йәнлектәр һәм ҡоштар» темаһын үттеләр. Синыфҡа яңы тема ныҡ оҡшаны, гөж килеп һорауҙарын яуҙырҙылар ғына.
– Дөйәғош тураһында телевизорҙан ҡараным, хәтәр ҡыҙыҡ, – ти Алмаз Рәхимов.
– Ә мин, беләһегеҙме, Игенйылғаны барып күрҙем. Унда дөйәғош бар, – тип һүҙгә ҡушылды Замир Юлмөхәмәтов.
– Эх, шуларҙы барып күрһәң ине? – тигән тауыш та ишетелеп ҡалды.
– Балалар, ошо дөйәғошто күреү мөмкинлеге беҙ ҙә лә бар бит ул. Әйҙәгеҙ, бер көндө барып ҡайтайыҡ һуң, – тине уҡытыусылары Гөлшат Әкрәм ҡыҙы.
Күп тә үтмәй, беренселәр синыф етәксеһе һәм гимназияның китапханасыһы Олеся Муллагилдина менән Игенйылға ауылының страус фермаһына сәйәхәткә юлланды. Был көндө балалар беренсе тапҡыр бергәләшеп ял итергә сыҡҡайны. Автобус эсе барғанда ла, ҡайтҡанда ла гөрләп торҙо. Күңелле йырҙар йырлап, бер-береһе менән ярыша-ярыша шиғыр һөйләп, дәртләнешеп йөрөп ҡайттылар. Күп кенә ҡоштарҙы, хайуандарҙы тәүгә күреп, хайран ҡалдылар. Уларға айырыуса дөйәғош, дөйә, болан, бурһыҡ оҡшаны. Сәйәхәттең күңелле булыуы балаларҙың йөҙөндә сағыла ине. Барыһы ла бик ҡәнәғәт йылмайышып өйҙәренә таралышты.
– Ошондай ҡыҙыҡлы һәм файҙалы экскурсия ойошторорға ярҙам иткәне өсөн гимназия директоры Гөлсөм Мөбәрәк ҡыҙы Монасиповаға һәм беҙҙе матур итеп йөрөтөп алып ҡайтҡан автобус водителе Василий Комаров ағайыбыҙға ҙур рәхмәтебеҙҙе белдерәбеҙ,– ти беренселәрҙең синыф етәксеһе Гөлшат Вәлиева.
Кескәйҙәрҙең ҡыҙыҡлы һәм мөғжизәле сәйәхәттәре күп булыр әле. Улар өсөн мәктәп тормошо саҡ башлана ғына. Бала-сағаларыбыҙ һау, донъяларыбыҙ һәм күк йөҙөбөҙ имен булһын!
Ғафури районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж