-28 °С
Болотло
Бөтә яңылыҡтар
Тирмәкәй
29 Ноябрь 2019, 12:57
Һаумы, һаумы, әкиәт!
Балалар баҡсаһында «Һаумы, һаумы, әкиәт!» халыҡ әкиәттәрен башҡорт телендә һөйләү буйынса бәйге ойошторолдо. Һүҙ маһирлығына, оҫталыҡҡа, сәсән теллелеккә арналған конкурс ике этаптан торҙо. Кескәйҙәр башта үҙ төркөмдәрендә әкиәт һөйләү буйынса көс һынашһа, иң-иңдәре бөгөнгө бәйгелә ҡатнашыу хоҡуғына эйә булды.
Йәш әкиәтселәребеҙҙең һәр сығышын талапсан жюри ағзалары ике йүнәлештә баһаланы. Бәйге булғас, еңеүсеһе лә була, әлбиттә. Кемдәр улар, тиһегеҙме? Башҡорт төркөмдәре араһында Гран-приға Динислам Ҡадиров («Аҡбуҙат» мәктәпкә әҙерлек төркөмө, етәксеһе – А. Байсурина) лайыҡ булды. Беренсе урында – Йәмилә Йәрмөхәмәтова («Аҡбуҙат» мәктәпкә әҙерлек төркөмө, етәксеһе – А. Ҡоҙабаева), II урында – Зарина Ҡоҙабаева («Тирмәкәй» II кескәйҙәр төркөмө, етәксеһе – З. Торомтаева), III урында – Мәрйәм Ишемғолова («Аҡбуҙат» мәктәпкә әҙерлек төркөмө, етәксеһе – А. Байсурина). Урыҫ төркөмдәре араһында Гөлмирә Бикбова («Ҡыҙыҡһыныусандар» мәктәпкә әҙерлек төркөмө, етәксеһе – Ә. Баймырҙина) Гран-при хужаһы булды. I урында – Камилла Баймырҙина («Ал елкәндәр» өлкәндәр төркөмө, етәксеһе – С. Ултыраҡова), II урында – Милена Ишемғолова («Ҡурайҡай» уртансылар төркөмө, етәксеһе – А. Булатова), III урында – Ильяс Сурин («Сулпылар» уртансылар төркөмө, етәксеһе – В. Байсурина). Улар барыһы ла дипломдар менән бүләкләнде.
Тәрбиәүи йәһәттән әйтеп бөткөһөҙ көскә эйә булған әкиәттәрҙе өйрәнеүсе, һөйләүсе кескәйҙәребеҙ булғанда, ата-бабаларыбыҙҙың рухи гәүһәрҙәре мәңге йәшәр, ә унан һут алып үҫкән йәш быуындың күңел шишмәләре ҡоромаҫ, уларҙан халҡыбыҙҙың рух нурҙары урғылыр әле, тигән өмөттә ҡалабыҙ.
Әлфиә БАЙМЫРҘИНА, «Шатлыҡ» балалар баҡсаһының башҡорт теле уҡытыусыһы.
Хәйбулла районы, Аҡъяр ауылы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89991334462.
Электрон почта
Адресы
450079, г. Уфа, ул. 50-летия Октября, 13, 8-й этаж