-28 °С
Болотло
TelegramТестарVKOK
Арзан хаҡҡа яҙылып ҡалайыҡ!
Бөтә яңылыҡтар
Тирмәкәй
27 Март 2020, 13:03

Сыйырсыҡ ояһы тотоп дәрескә барҙым

Был хәл Мостай Кәримдең «Сыйырсыҡ балаһы» хикәйәһен уҡығандан һуң булды. Уҡытыусы апай өйгә эш итеп бер нисә һөйләм менән сыйырсыҡ ояһын яһау тәртибен яҙырға ҡушҡан.

Ә мин атайыма ҡайтып: «Сыйырсыҡ ояһы эшләргә кәрәк», – тинем. Ул: «Улай булғас, эшләйбеҙ инде», – тине лә магазинға алып китте. Таҡта, сөй һатып алдыҡ. Өйгә ҡайтҡас, атайым таҡтаны тигеҙләп бысып, тиҙ генә оя яһап та ҡуй­ҙы. Ул бик оҫта шул, эшләгән һәр нәмәһе матур килеп сыға.

Дәрескә мин бер үҙем оя күтәреп килеп индем. Уҡытыусы апай хатта аптырап китте. Шулай ҙа дәрестә уның файҙаһы тейҙе. Синыфташтарым минең ояны күрһәтеп, өйгә эштәрен уҡыны, ә мин фотоға төштөм.


Самира ӘСҺӘҘУЛЛИНА, IV «А» синыфы уҡыусыһы.
Нефтекама ҡалаһы, 12-се мәктәп.

Читайте нас в