-13 °С
Болотло
TelegramТестарVKOK
Бөтә яңылыҡтар
Тирмәкәй
3 Апрель 2020, 18:30

Һау бул, Әлифба!

Беренсе синыфта 4 ҡыҙ һәм 4 малай белем ала. Улар яҙғы каникул алдынан үҙҙәрен уҡырға һәм яҙырға өйрәтеүсе «Әлифба» китабы менән хушлашты.

Уҡытыусылары Вәсилә Зәбир ҡыҙы Зәйнуллина менән бергәләп бик күп шиғырҙар ятлағандар, тылсымлы әкиәттәр уҡығандар. Кескәйҙәр уларҙы оҫта итеп сәхнәләштереп тә күрһәтте. Байрамда әкиәт геройҙары – Төлкөбикә, Ҡыҙыл Ҡалпаҡ менән бергәләп йомаҡтар систеләр, күңелле уйындар уйнанылар. Әлифбаға рәхмәт әйтеп, йырҙар, бейеүҙәр бүләк иттеләр.

Был байрамда атай-әсәйҙәр ҙә ҡатнашты. Улар балаларға изге теләктәрен еткерҙе, бүләктәр бирҙе. Беренселәр Белем иленең тәүге баҫҡысын ҡыйыу аҙымдар менән уңышлы үтте. Артабан да һынатмаҫтар әле!

Байрам флешмоб менән тамамланды.

Нәркәс ҮТӘҒОЛОВА, башланғыс синыфтар уҡытыусыһы.
Баймаҡ районы, Күсей ауылы.


Читайте нас в