+14 °С
Болотло
Бөтә яңылыҡтар
Тирмәкәй
30 Апрель 2021, 09:35
Уның исеме лә Буранбай бит!
– Мин тыуғанда көн ныҡ боҙолоп, ҡапыл буран сығып киткән. Шуға ла әсәйем Буранбай исемен ҡушҡан. Үҙемә исемем ныҡ оҡшай, – тип һөйләй III «Б» синыфы уҡыусыһы Буранбай МОРАТШИН. Ул үҙе Ташбулат мәктәбендә уҡыһа, ә ғаиләләре Күсем ауылында йәшәй.
Буш ваҡыттарында дуҫы Арыҫлан менән рәхәтләнеп ҡышҡыһын саңғыла йөрөһә, йәй көндәре каникулға ҡайтҡан Рамаҙан, Тимербулат ағайҙары менән баскетбол, волейбол уйнарға ярата. Ул спорт менән дә дуҫ. Буранбай кудо буйынса секцияға йөрөй. Велосипедта елдерергә лә әүәҫ икән. «Ҡайһы саҡ йығылып, аяҡ-ҡулымды һыҙырып бөтәм», – тигән була үҙе.
Рамаҙан ағаһы Рәми Ғарипов исемендәге 1-се республика башҡорт интернат-гимназияһында уҡып йөрөй. Ул шайморатовсылар синыфында белем ала.
– Ағайым гимназияға уҡырға киткәс, ныҡ ҡыйын булды. Бер аҙ кәйефем төшөп йөрөгәйнем. Гел бергә булғанда һиҙелмәгән икән. Хәҙер өйрәндем, тиһәм дә, үҙен һағынып бөтәм. Ҡайһы ваҡыт төрткөләшеп киткән саҡтарымды иҫләйем дә көлөп алам, – ти Буранбай.
Яҙғы каникулында Өфөлә булып ҡайтҡан. Баш ҡалала уны сюрприз көткән, тыуған көнөн – 10 йәш тулыуҙы туғандары менән «Мир» сауҙа-күңел асыу үҙәгендә үткәргәндәр. Унда төрлө аттракциондарҙа булған, туғандарынан бүләктәр алып ҡыуанған.
Шәп малай ул Буранбай. Уның өсөн Өфөлә уҡыған Тимербулат, Рамаҙан ағайҙары өлгө булып тора.
Зөһрә ХӘКИМОВА.
Әбйәлил районы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж