Бәләкәс кенә булһалар ҙа, күп нәмәгә өйрәнеп алғандар. Әсилә йырларға яратһа, Асия бейергә әүәҫ. Стәрлебаш районының Ҡабыҡҡыуыш ауылында йәшәгән өләсәйҙәренә ҡунаҡҡа йыш ҡайталар. Унда барғас, бер ҙә, бәләкәйбеҙ, тип тормайҙар, ҡамырҙан төрлө ризыҡ әҙерләшергә яраталар. Бигерәк тә билмән эшләү уларға ныҡ оҡшай.
Үҫкәс, табип булырға хыяллана был игеҙәктәр. Ҡайҙа барһалар ҙа, үҙҙәре менән дауалау өсөн кәрәк-яраҡтарын биштәренә һалып йөрөтә улар. Бына шундай шәп ҡыҙҙар-игеҙәктәр үҫеп килә.
Гөлсөм ХИСМӘТОВА.