Уның өсөн бик шатбыҙ. Һәләтле малай беҙҙең гимназияла II синыфта белем ала. Балалар сәнғәт мәктәбендә баян һәм ҡурай синыфтарында шөғөлләнергә лә өлгөрә, программалау һәм тхэквондо түңәрәктәренә лә йөрөй.
Киләсәктә программист булырға хыялланған малай буш ваҡытында компьютер уйындары уйлап сығарырға әүәҫ. Йәнә бер яратҡан мауығыуы – урыҫ телендәге хиттарҙы башҡортсаға тәржемә итеү. Ҡайһы бер йырҙарын видеоға төшөрөп, башҡорт телендәге YouTube каналына һәм «Инстаграм»ға ла һалып бара.
Нурсолтан уҡыуҙа ла һынатмай. Дәрестән һуң һеңлеһе Сәлимә менән уйнарға өлгөрә. Ата-әсәһенә туғанын ҡараша, ярҙам итә. Уңыштар һиңә, Нурсолтан!
Рүзинә БАРЛЫБАЕВА,
башҡорт теле һәм әҙәбиәте уҡытыусыһы.
Өфө ҡалаһы, 82-се гимназия.