+17 °С
Болотло
Бөтә яңылыҡтар
Тирмәкәй
27 Февраль 2022, 10:00
Кескәйҙәр йыйылды байрамға
«Ҡояшҡай» балалар баҡсаһының әҙерлек төркөмөндә байрам бөгөн. Бүлмә милли зауыҡ менән биҙәлгән. Өҫтәлдәрҙә күҙҙең яуын алып торған түшелдеректәрҙең ниндәйе генә юҡ! Шунда уҡ сәсмәүер, ҡалпаҡ, янсыҡ, башҡорт милли кейемендәге ҡурсаҡтар ҙа урын алған. Башҡорт балы, бауырһаҡ, икмәк, ваҡ һәм ҙур бәлештәр, ҡымыҙ, ҡатыҡ та бар. Башҡорт теле байрамына йыйылдыҡ бит.
Кескәйҙәр йыйылды байрамға
Был көндө беҙҙә бөтәһе лә саф башҡортса ғына аралашырға тырышты. Тәрбиәсе Ирина Хәҙит ҡыҙы үткәргән дәрес тә ҡыҙыҡлы булды. Ул ҡурай моңо менән башланып китте. Үмәр Абҡадиров – тирмә, Елена Ғәйфуллина – сәксәк, Айгүзәл Хужина – икмәк, Наҙгөл Ноғоманова – башҡорт ҡурсағы, Артём Хужин – ҡурай, Иҙел Солтанов – башҡорт балы, Тимур Ҡазыханов – бауырһаҡ, Ренальд Садиҡов – ҡымыҙ, Эмир Солтанов ваҡ бәлеш тураһында шиғырҙар уҡып ишеттерҙе. Кескәйҙәр тәрбиәселәре ярҙамында түшелдеректе үҙҙәре лә эшләп ҡараны.
Дәрестән һуң башҡорт милли аҙыҡтары менән сәй табыны ойошторолдо. Бының өсөн оҫта ҡуллы әсәйҙәргә рәхмәт әйтәбеҙ.
Флүрә СИРАЖЕВА.
Салауат районы, Малаяҙ ауылы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж