Баҡсабыҙҙа үткәрелгән кисәләрҙә, район, республика, хатта Рәсәй кимәлендәге конкурстарҙа, ярыштарҙа ҡатнашып, гел призлы урындар ала. Уның Почёт грамоталарын, дипломдарын, Рәхмәт хаттарын һанап бөткөһөҙ.
Үҙе шундай итәғәтле, ярҙамсыл, әүҙем. Бейеү түңәрәгенә йөрөй. Шиғыр һөйләргә, һүрәт төшөрөргә ярата. Өйҙә ата-әсәһенә Арсен һәм Заһир ҡустыларын ҡараша.
Атанан күргән – уҡ юнған, әсәнән күргән – тун бескән, тиҙәр. Вилена киләсәктә табип булырға теләй. Әсәһе лә был һөнәрҙе һайлаған бит.
Тиҙҙән Вилена балалар баҡсаһы менән хушлашасаҡ. Үҙен һағынырбыҙ инде. Уға мәктәп тормошонда ла уңыштар ғына юлдаш булыуын теләйем.
Резеда МӨХӘМӘТШИНА, тәрбиәсе.
Баймаҡ ҡалаһы,
«Йондоҙло» балалар баҡсаһы.