Ял көндәрен, каникулды түҙемһеҙлек менән көтөп ала Әминә. Сөнки ғаиләләре менән атаһының тыуған ауылына – өләсәй-олатайҙары янына ҡунаҡҡа ҡайталар. Унда рәхәтләнеп ял итәләр: балыҡ тоталар, урманға баралар, баҡса эштәрендә ярҙамлашалар. Буш ваҡытында өләсәһе математика серҙәренә өйрәтергә лә өлгөрә. Ул – хеҙмәт ветераны, хаҡлы ялдағы уҡытыусы.
Әминә балалар баҡсаһына йөрөгән сағынан уҡ художестволы гимнастика менән шөғөлләнә башлаған. Күнекмәләр тураһында һөйләгәндә ҡыҙҙың күҙҙәрендә осҡондар уйнай. Был спорт төрөн бик ярата ул. Бәләкәй генә булһа ла, еңеүҙәре күп кенә. Быйыл, мәҫәлән, Туймазы районының художестволы гимнастика буйынса беренселегендә II урын алған.
Һәр эште теүәл үтәүсе, тырыш, үҙ-үҙенә бик талапсан, еңеүҙәргә ынтылыусан ҡыҙ бит ул Әминә.
– Ярыштарҙа еңеү яулар өсөн кеше тырышып шөғөлләнә икән, ул барыбер теләгенә ирешәсәк, – ти ул өлкәндәрсә етди итеп.
Юрий Гагарин исемендәге кубокка үткәрелгән олимпиадала физкультура буйынса үҙҙәренең лицейында призёр булып, диплом һәм значок менән дә бүләкләнгән. Маладис ҡыҙ, эйе бит!
Лариса СӘХИБГӘРӘЕВА.