Бәләкәйҙән эшкә өйрәнеп үҫәләр. Рамаҙан – III, ә ҡустыһы Рәсүл I синыфты тамамлаған. Әле бесән сабыу мәленең ҡыҙған сағы. Малайҙар атаһына ихлас ярҙамлаша. Рамаҙан трактор ҙа йөрөтә белә икән.
Ауылда эш күп инде. Был малайҙарҙы картуф баҡсаһында ла күрәһең. Ата-әсәһенә мал да ҡараша улар. Ә бер көндө Рәсүл әсәһенә мәтрүшкә сәскәләре йыйып алып ҡайтҡан, ныҡ ҡыуандырған үҙен.
Был ғаиләлә балалар дини тәрбиә алып та үҫә. Рамаҙан аҙан ҡысҡыра белә. Хатта уны Башҡортостан юлдаш телевидениеһының «Йома» тапшырыуына төшөргәндәр.
Һай, афариндар!
З. ИҪӘНДӘҮЛӘТОВА.
Ишембай районы, Ибрай ауылы.