Ләйсән матур итеп башҡортса һөйләшә, «Йәншишмә» гәзитен яратып уҡый. Әле яңыраҡ редакция ойошторған «Яҙыл да бүләк от!» уйынын үткәрешергә лә килде. Шунда ул беҙҙе матур причёскаһы менән һоҡландырғайны. Сәсен африкаса зизи стилендә үреп алған.
Сәхәбетдиновтар шәхси йортта йәшәй. Үҙҙәренең тауыҡтары бар. Ләйсән уларға ем һала, һыу ҡоя һәм көн дә йомортҡаларын йыйып ала. Аквариумдағы ташбаҡаны ла тәрбиәләй. Ҡустыһы Салауат менән икәүләп бәләкәс Әмирҙе ҡарайҙар.
Бына шундай тырыш, уңған ҡыҙ ул Ләйсән!
З. ӘҘЕҺӘМОВА.
Өфө ҡалаһы.