Гүзәл республикабыҙҙы данлап кескәйҙәребеҙ башҡорт һәм урыҫ телдәрендә шиғырҙар һөйләне, йырҙар, бейеүҙәр башҡарҙы. Балаларҙың инглизсә сәләмләү һәм һаубуллашыу йыры ла сарабыҙға йәм өҫтәне. Уны ҡыҙҙар һәм малайҙар өҫтәмә белем биреү педагогы Баныу Асҡарова апайҙары ярҙамы менән әҙерләгәйне.
Кескәйҙәр байрамыбыҙ ҡунағы булып килгән Тыр-тыр (педагог-психолог Әлфиә Солтанова) менән бергәләп «Тирмә» башҡорт халыҡ уйынында ла ихлас ҡатнашты. Һандыҡтағы өлөштәрҙән торған һүрәтте йыйып, Башҡортостан Республикаһының дәүләт флагы һәм атрибуттары тураһында белемдәрен арттырҙылар.
Байрам барыһының да күңеленә хуш килде. Улар Башҡортостаныбыҙ менән сикһеҙ ғорурланыу тойғоһо кисереп, өйҙәренә шат күңел менән таралышты.
Әлфиә БАЙМЫРҘИНА, 3-сө «Шатлыҡ» балалар баҡсаһының башҡорт теле уҡытыусыһы.
Хәйбулла районы, Аҡъяр ауылы.