Ҡатнашыусылар һаны йылдан-йыл арта: быйыл улар 386-ға етте! Яңы йыл ҡупшыҡайын, бөтә фантазияһын эшкә егеп, төрлө материалдан эшләүселәр араһында ижад менән профессиональ шөғөлләнеүселәр ҙә, һәүәҫкәрҙәр ҙә етерлек булды. Олоһо ла, кесеһе лә теләп ҡатнашты.
Һеҙ һүрәттә күргән балалар — 108-се мәктәптең II «Б» синыфы уҡыусылары. Рамина Талипова һәм Ярослав Чехов әсәләре менән бергә яһаған был шыршыҡайҙарҙы, Рамина тубырсыҡтарҙан эшләһә, Ярослав фоамирандан башҡарған. Призлы урын яуламаһалар ҙа, күңелдәре көр — грамота һәм дәртләндереү бүләге алып ҡыуанғандар.
Дуҫтар, һеҙ ҙә төрлө материалдарҙан ошондай матур шыршылар эшләп, өйөгөҙҙө байрамға биҙәй алаһығыҙ.
Лилиә МӘҮЛИТОВА.